Øll somul telja við

 

Øll somul telja við er ein nýhugsað bók, ið Kristin Roskifte hevur skrivað og teknað. Tittulin er tvískildur; samstundis sum at vera ein teljubók, leggur bókin eisini dent á, at hvørt einasta menniskja í heiminum telur við og hevur sítt virði.

 

Citattegn Sjey og ein hálv milliard fólk á somu gongustjørnu. Hvørt tað einasta eitt hevur sína egnu serligu søgu. Øll somul telja við. Eitt teirra ert tú!"Alleteller 3dbog

 

Tær stílførdu myndirnar og tey litføgru menniskjuni, ið mynda bókina, økjast í tali sum blaðað verður. Ikki bert er hetta ein teljubók, har børn læra seg at telja. Tað er eisini ein bók, ið gevur rúmd fyri prátinum um teir stóru spurningarnar. Øll menniskju hava sína egnu serligu søgu, og í mannahavininum, ið lýst verður í bókini, kemur hetta serliga týðuliga til sjóndar. Í heiminum, ið vit liva í, er eitt ríkt margfeldni av menniskjum og søgum. Hesi fólkini hava ein innara og ein ytra heim, sum um eina og somu tíð sameinir tey, men sum eisini skilir tey sundur og ger tey til einstaklingar. Roskifte fagnar ymiskleikanum og margfeldninum av einstaklingum, sum finnast í bókini og tí heimi, ið vit eru partar av.

 

Roskifte fekk Barna- og unglingavirðisløn Norðurlandaráðsins í 2019.