Eldgos - Rán Flygenring

 

Myndabókin Eldgos vann Barna- og ungdómsbókmentavirðisløn Norðurlandaráðsins 2023. Um bókina segði dómsnevndin:

 

"Hegnisliga verða myndir og tekstur vovin saman til eina spælandi og stuttliga søgu um ein fjølbroyttan skara av ferðafólki, sum uppliva eitt eldgos. Søgan spruttar av orku, og hon bæði fangar og spælir við okkara bergtøku av ekstremum náttúruupplivingum. Men søgan setur eisini tær mótstríðandi kenslurnar í spæl, tá ein stendur andlit til andlits við flótandi grótbræðingina, skrædnandi fløtuna og nýggju fjøllini, sum verða reist, og so tað gerandisliga stríðið móti lús og ferðafólkum, sum yvirtaka títt nærumhvørvi. Gjøgnumgangandi er ein spenningur millum tað evarska lítla og tað ovurstóra, sum gevur søguni eina heilt serliga styrki.

 

Myndprýðingin er á tremur við stuttligum smálutum, sum fanga ungu lesararnar. (...) Skal náttúran bert tæna okkum til undirhalds, ella áttu vit sjálvi at tikið størri ábyrgd fyri, hvussu vit fara um náttúruna? Eldgos gevur eina vón um, at vit kunnu finna ein hátt at liva í samljóði við náttúruna."

 

Tá Norðurlendska bókmentavikan fagnar merkisdagin fyri íslendskum sjálvstýri í 2024, fara vit við bussi saman við Kaktusi í Eldgos. Kaktus er alt annað enn hugtikin av túrinum, men dagurin fær eina óvæntaða vend.

 

"Orsaka, men hvussu eitur hatta har?", rópar Kaktus, og peikar á ein blett av onkrum gløðandi, reyðum og heitum úti á tí gráa grótbræðingarøkinum.