Naatsumik
Nunat Avannarliit atuagaataasa sapaatip-akunneranni nunat avannarliit atuakkiortuinit atuakkiarineqarsimasoq toqqagaq ataatsikkut atuarneqartarpoq, Nunani Avannarlerni, Baltikumimi nunarsuarmilu suliaqarfiit Nunanut Avannarlernut soqutigisallit peqataaffigisinnaasaat. Suliniut, Foreningerne Nordenimit, atuffassinerup, avannaanilu oqaluttuaqattaartanerup siammarterneqarnissaanik malunnartinneqarnissaanillu suliaqartuuvoq. Nunat Avannarliit atuagaataasa sapaatip-akunneqartarnera ukiumut ataasiarluni pisarpoq, sapaatip-akunnerani 46-mi, atuagaateqarfiit, atuarfiit kulturikkullu suliaqarfiit meeqqanut inuusuttunullu ullaap tungaani atuffassinissaq, inersimasunullu taarsiarsaarnerani atuffassinissaq aaqqissuuttarpaat. Suliaq Nordisk Ministerrådimit aningaasalersorneqarpoq.Ukiut tamaasa meeqqanut- inuusuttunut- inersimasunullu sammisamik atuakkanillu toqqaasoqartarpoq, tamarmik arlaatigut sammisamut toqqakkamut tulluuttussat. Sammisaq atuakkallu Nunat Avannarliit atuagaataasa sapaatip-akunneqartinnissaannut suleqatigiinnit toqqarneqartarput, suleqatigiit Nunanit Avannarlerni nunanit namminersornerusunilu ilaasortaatitaqartarput.
Ugguuna Nunat Avannarliit atuagaataasa sapaatip-akunneqartinneqarneranni video takuuk!
Assiliisoq: Heidi Lønne Grønseth Assiliisoq: Nunat Avannarliit
atuagaataasa sapaatip-akunnerat
Nunat Avannarliit atuagaataasa sapaatip-akunnerata siunertaraa avannaamiut atuagaataasa siammarternissaat, atuarnerullu uummarissarnissaa aammalu pissanganartumik allaanerusumillu nammaqatigiilluni suleqatigiinnissaq.
Najoqqutassiaq
Nunagisatsinni taarsinerpaaffiani naneruutit ikiterlugit atuakkamik atuartarpugut. Tassa suliap najoqqutassartaa. Ataasinngornermi Nunat Avannarliit atuagaataasa sapaatip-akunneranni atuffassisarpugut. Sapaatip-akunnerani ullut sinneri Nunani Avannarlerni suliffeqarfinni nunarsuullu sinnerani atuffassineq, saqqummersitsinerit, kulturikkullu misigisassarpassuit ingerlanneqartarput.
Taamaammat qulliit qameriarlugit naneruutit ikillugit atuffassinissaarsuarmi nunarsuullu ilaani inuit 150.000-it peqataaffigisaannut peqataagit.
Assiliisoq: Geir Egil Skog