Það er einfalt að taka þátt í Norrænu bókmenntavikunni ásamt 2.000 öðrum stofnunum á Norðurlöndum, Eystrasaltsríkjunum og víðs vegar um heiminn. Það eina sem þú þarft að gera er:
Norræna bókmenntavikan útvegar textabrot sem eru fyrst og fremst ætluð þremur markhópum: börnum, ungmennum og fullorðnum. (Við birtum ávallt lista með öðrum bókmenntatillögum fyrir þá sem vilja lesa fyrir aðra markhópa. Hins vegar getum við ekki útvegað textabrot úr þeim bókum.)
Skráðu þig á viðeigandi viðburði í skráningarskjalinu eftir þeim markhópi/markhópum sem þú valdir í fyrsta skrefinu.
Valmöguleikarnir eru eftirfarandi:
Morgunroði fyrir börn (lestur fyrir börn)
Rökkurstundin (lestur fyrir fullorðna)
Upplesturinn fer að jafnaði fram á stóra upplestrardeginum (alltaf á mánudegi) í nóvember í 46. viku ársins. Ef mánudagurinn hentar ekki er einnig hægt að halda upplesturinn á öðrum degi Norrænu bókmenntavikunnar.
Morgunroði fyrir börn og ungmenni hefst kl. 9:00 að skandinavískum tíma í flestum norrænum og baltneskum stofnunum. Rökkurstundin hefst kl. 19:00.
Þú finnur hlekkinn að skráningunni neðst á síðunni eða undir Skráning í aðalvalmyndinni. Þegar þú hefur skráð þig færðu staðfestingu í tölvupósti.
Þegar þú hefur skráð stofnunina þína færðu ókeypis aðgang að textabrotunum á vefsíðunni á öllum norrænum og baltneskum tungumálum fyrir alla upplestarviðburði um leið og þau verða tilbúin.
Við mælum með að afhenda textann þeim sem á að lesa hann upp fyrirfram svo viðkomandi geti undirbúið sig. Ef bókin hefur verið þýdd í heild sinni á þitt tungumál getur verið gagnlegt að fá hana að láni til að sjá textabrotið í fullu samhengi.
Við viljum vekja athygli á því að það getur liðið nokkur tími þar til textabrotin verða aðgengileg ef þú skráir þig snemma. Ástæðan er sú að val á þema og bókum ársins tekur tíma og sumir textar þurfa að vera sérstaklega þýddir fyrir Norrænu bókmenntavikuna ef bókin er ekki þegar til á viðkomandi tungumáli.
Ef þú skráir þig áður en textarnir eru tilbúnir færðu tölvupóst frá okkur um leið og þeir verða aðgengilegir.
Nú getur þú byrjað að auglýsa upplestarviðburðinn. Á hverju ári fær Norræna bókmenntavikan nýtt veggspjald sem þú getur prentað út fyrir viðburðinn. Þú getur jafnvel bætt eigin texta við veggspjaldið að vild.
Þú færð einnig tölvupóst þegar veggspjaldið er tilbúið til útprentunar.
Til að auglýsa viðburðinn hafa fyrri þátttakendur til dæmis búið til Facebook-viðburð, auglýst hann á vefsíðu stofnunarinnar sinnar og dreift upplýsingum til vina og kunningja. Bókasöfn hafa boðið skólum í nágreninu að mæta á upplestrarviðburð, á meðan kennarar og skólar hafa hópað nokkrum bekkjum saman í sameiginlegan upplestur. Þetta hefur reynst vel og skapast oft skemmtileg stemning í kringum þessa viðburði.
Í öðrum tilvikum hafa stofnanir átt í samstarf við önnur utanaðkomandi félög og aðila til að auka þátttöku.
Við hvetjum ykkur til að nýta tækifærið til að gera meira úr viðburðinum.
Síðar í haust verður hægt að nálgast hugmyndabanka á vefsíðu okkar sem er sérstaklega sniðinn að þema og bókum ársins. Þar er hægt að finna innblástur og hugmyndir að verkefnum sem tengjast upplestrinum.
Það gæti til dæmis verið umræður um þemu bókarinnar, sýning á kvikmynd sem hefur verið gerð út frá bókinni, eða búningar fyrir þátttakendur (sérstaklega fyrir börn) til að klæðast á meðan hlustað er á upplesturinn. Einnig væri hægt að biðja upplesarann að leika eina af persónunum í bókinni.
Auðvitað er ykkur einnig frjálst að koma með eigin hugmyndir.
Við mælum með að þið skipuleggið slíka dagskrá tímanlega, þar sem sum verkefni geta tekið nokkurn tíma að undirbúa. Það er sannarlega þess virði!
Þegar stóri upplestrardagurinn rennur loks upp er ekki neitt annað sem þarf að gera enn að bjóða þátttakendur velkomna og lesa upp textann.
Til að skapa meiri stemningu væri hægt að dempa ljósin og kveikja á kertum. Við upplestur fyrir börn er einnig hægt að sýna myndir (sem verður hægt að sækja af vefsíðunni) á meðan þau hlusta.
Við upplestur fyrir ungmenni og fullorðna væri t.d. hægt að bjóða upp á kex, kökur, kaffi og te.
Við höfum gaman að því að sjá hvernig þið haldið upp á Norrænu bókmenntavikuna. Taktu myndir frá upplestrarviðburðinum og deildu þeim með okkur og öðrum á Facebook og/eða Instagram með myllumerkinu #nordlitt. Þar er einnig hægt að finna innblástur frá öðrum viðburðum.
GLEÐILEGA LESTRARHÁTÍÐ OG GANGI YKKUR VEL!
Skráðu stofnunina þína í Norrænu bókmenntavikuna með því að smella hér.
Á hverju ári gefur Norræna bókasafnavikan út sérstakt hugmyndakver.
Hér má sjá myndbönd frá Norrænu bókmenntavikunni.
Við hvetjum ykkur til að nota plakatið til að kynna upplestrarviðburðina ykkar.
Notaðu myllumerkið #nordisklitt26 á samfélagsmiðlum.
Les meira